Абдулин Айтмұхамед Абдоллаұлы

1924 жылы туған. Геол. – минералогия ғыл. докт. (1971), проф. (1973), Қазақстан ҒА-ның акад. (1979),  Қазақстанның еңб. сің. ғыл. қайраткері (1982). Ұлытау ауданында туған.  Ұлы Отан соғысына қатысқан. ҚазМУ-дың түлегі  (1953).  1953-64 ж. Қазақстан ҒА-ның Геол. Ғылымдар ин-тында аспирант,  лаборант, инженер, кіші, аға ғыл.хатшы, 1964-74 ж. директоры әрі 1987 жылдан Қазақстан ҒА Президиумының акад. – хатшысы, 1988 жылдан ҚР  ҒА-ның Геол. ғылымдар ин-тының құрметті директоры.  Ғыл. зерттеулерінің негізгі бағыттары: жалпы және аймақтық геология, тектоника, металлогения, мұнай және газ геологиясы. А.Абдуллин Орт. Қазақстанда алтын, мыс, турмалин кендерін зерттеумен шұғылданды. Мұғалжар кешенді экспедициясын басқарған. Бірнеше кен орындарын (Самар алтын-мыс кені, Құмкөл, Арысқұм, Нұралы мұнай кендері, т.б.) ашты. А.Абдуллиннің тапқан нақты мәліметтері бойынша республиканың тектоник. картасы жасалды. Орал, Тянь – Шань және Орт. Қазақстанның тектоник құрылымдарының байланысы жөніндегі теориялық мәселелер жаңаша  шешімін тауып, нақты аймақтардың  геол. даму  ерекшеліктері айқындалды. Қазақстанның мемл. сыйл. (1978), КСРО Мемл.сыйл. (1985) лауреаты. Октябрь революциясы, 1-дәрежелі «Отан соғысы», 2 рет «Қызыл жұлдыз», «Еңбек Қызыл Ту» ордендерімен, Халықар. Геол. конгрестің алтын белгісімен, акад. С.И.Вавилов медалімен марапатталған.2010 жылы қайтыс болды.