СЕРКЕБАЕВА Салтанат

Әнші, актриса.

1997 жылғы 21 қазанда   Сәтбаев қаласында туған. №16 -қазақ орта мектебінің түлегі. Мектеп қабырғасында жүрген кезінен -ақ әншілігімен танылған Салтанат 2013 жылы Түркияда өткен Халықаралық байқауда  ән номинациясы бойынша бақ сынасқан әншілер арасынан озық шығып, екінші орын иеленді. 2014 жылы Сәтбаев қаласы әкімінің "Мақсат" сыйлығына ие болды.

Ол Л.Гумилев атындағы Еуразия университетін тәмәмдады. Университет қабырғасында жүргенде 2017 жылы танымал әнші Мөлдір Әуелбекова құрған жас әншілердің "Назар" тобының құрамында  елімізге танылды.

Салтанаттың  "Томирис" фильмінде басты рольге шақырылуы және сол міндетті сәтті ойнап шығуы оның өнер әлеміндегі, кино саласындағы тамаша жетістігі болды.

Қазір Салтанат "Қазақстан"  телеарнасы мен "Арай" медиа -групп"  шығармашылық  тобының "Менің мектебім" атты 20 сериялы фильмде басты рольді сомдауда.