ЖАНТАСОВА Балхия

Еңбек ардагері. Кеңес, шаруашылық қызметкері. 

Ұлытау ауданы Сарыкеңгір ауылында  туған. Еңбек жолын 1942 жылы Қарсақбай мыс зауытында бастады. 1943-1952 жылдары Қарсақбай аудандық Кеңес атқару комитетінің мамандар бөлімі меңгерушісі болды. 1953-1955 ж.-Жезқазған мыс комбинатына қарасты  №42-47 шахталардың табельщигі, Жезқазған -Рудник  поселкелік Кеңесінің хатшысы, төрағаның  орынбасары (1955-1965), төрағасы (1965-1967) болды.  Бұдан кейін еңбек демалысына шыққанша  Сауда кәсіпорны директорының орынбасары, қонақ үй меңгерушісі,  тұрғын ұй коммуналдық шаруашылығы бастығының орынбасары қызметтерін атқарды.  . Бірнеше мәрте  поселкелік және қалалық Кеңес депутаты болып сайланды.1992 жылы "Сәтбаев қаласының Құрметті азаматы" атағы берілді. 2002 жылы қайтыс болды.