КЕНТАЕВ Қасымхан

Кенші, Социалистік Еңбек Ері.

1936 жылы 1-ші желтоқсанда Ұлытау ауданы «Ұлытау» совхозында туған. Еңбек жолын 1953 жылы  забойшы болып бастаған.  Кейін  Оңтүстік Жезқазған кенішінің №65 шахтасында забойшылар бригадасын басқарды. Көне шахтаның бірі – «Кресто-Батыста» еңбек етті. Оңтүстік Жезқазған кенішінің №44 шахтасында   ескі технологиялар бойынша (қол перфоратор және скреперлік лебедка) жұмыс істейтін забойшылар үздіктерінің бірі атанды.  1966 жылы «Еңбек Қызыл Ту» орденімен марапатталды. 1971 жылдың 30-шы наурызында КСРО Жоғарғы Кеңесі Президиумның Жарлығымен Социалистік Еңбек Ері атағына ие болды.

 1994 жылы дүниеден өтті.

Қ.Кентаев  кен өндірісінің ардагері, Ленин орденінің иегері  Әбдіраман Бөпейұлына әлдебір марапат тапсыруда.