​ШЕГІРБАЕВ Әмірбек

1940 жылы 27 тамызда Шымкент облысы, Түлкібас ауданында дүниеге келген. Әкесі Шегірбай – Ұлы Отан соғысының ардагері. Мектепті күміс медальмен тәмәмдаған.  1962 жыы Қазақ политехника институтын тәмамдағаннан кейін Жезқазғанға келіп, №31-32 шахтаға кен мастері болып, өндіріске араласты. 1967-1971 жылдары – Кеңес әскерінің офицері атанып, Отан алдындағы борышын атқарды. 1971 жылдан бастап  ол бірыңғай кен өндірісі саласында еңбек етті. Кен мастері, учаске бастығы, «Батыс Қаражал» шахтасының бастығы, Оңтүстік Жезқазған кенішінің директоры, Жезқазған тау-кен комбинаты бас инженерінің орынбасары, Батыс Жезқазған кенішінің директоры, № 57 шахтаның бастығы, Ақбақай кен-байыту комбинатының бас инженері, Жезқазғантүстімет ғылыми-өндірістік бірлестігі тау-кен жұмыстары бөлімнің бастығы болды. 1993-1996 жылдары Батыс Жезқазған кенішінде екінші мәрте директор қызметін атқарды ал, 1997 жылдың қаңтарында Оңтүстік Жезқазған кенішіне екінші рет директор болып тағайындалды. Жезқазған шахтапроходкалау тресінің басқарушысы, т.б. лауазымдарда қызмет атқарды.  Әмірбек Шегірбайұлының тікелей басшылығымен Аннеск, Степной, Жомарт кеніштері мен 73/75 шахтаның құрылысы жүргізіліп салынды. Қазақстанның шырайлы шығысында Артемовск, Юбилейно – Снегирихинск кеніштері мен Қарағанды қапталындағы Нұрқазған кен байыту комбинаты, Сәтбаев қаласындағы соңғы үлгімен салынған алып, кен жабдықтарының доңғалақтарын қалпына келтіретін заманауи «Мысшина» жаңа зауыты пайдалануға берілді. Ол "Құрмет" орденімен марапатталды. Сәтбаев қаласының Құрметті азаматы атанды.