ИНВЕСТОРЛАР КЕЛЕ ЖАТЫР...

Сәтбаев қаласында қала әкімдігі мен Stecol Сorporationжәне «SIENA» ЖШС арасында өзара ынтымақтастық туралы меморандумдарға қолқойылды. Қала әкімі Мұрат Бөрібаевпен бірге меморандумдарға Stecol Сorporation(Қытай) жобасының жетекшісі Янг Хонвэй және «SIENA» компаниясының директорыРуслан Шарипов қол қойды.

Инвесторлардың қала экономикасына қандай пайдасы тиеді? Олар қалада қандай нысандартұрғызады?

Әрине, инвестиция ел игілігіне жұмыс істейтіні түсінікті.Кейінгі он бес –жиырма жыл мұғдарында біздің қалаға ірі инвесторлардың аяқбасқанын естіген де, көрген де емеспіз. Шын мәнінде, бұл жағымды да тамашажаңалық. 

-      Бұл меморандум ауқымды жоспарлар мен жобаларды жүзегеасыруға көмектеседі. Қаламыздың және тұрғындардың игілігіне жол ашады.  Қалалық инфрақұрылым мен экономикалық дамудыжақсарту үшін маңызды қадам. Біздің серіктестеріміз өзге қала мен аймақтаболмай, жанымыздан табылса,  біздіңынтымақтастығымыз көптеген жылдар бойы жемісті болып, ауқымды жоспарлар мен жобалардыжүзеге асыруға көмектеседі деген сенімдемін, — дейді қала әкімі МұратБөрібаев. 

Инвесторлар біздің қалаға  қайдан және  қалай келе қалды?

Жезқазған –Қызылорда автожолының күрделі жөндеуденөтетіні белгілі. Көп ұзамай құрылыс жұмысы басталатын болады. Сол құрылыстыжүргізуге қажетті  материалдардыңкейбірі  Сәтбаев жерінен  алынады екен. Соны білгендіктен қала әкіміаталған компанияға Сәтбаев қаласына келіп тіркелу туралы ұсыныспен шыққанкөрінеді. Өйткені, бізден материал алатын болса, соның қайтарымы да болу керекқой. «Алаған қолым – береген» демекші, компаниялар тарапынан қала әкімінің орындыұсынысы қолдау тауып, меморандумға қол қойылды.  Инвесторлар алдағы уақытта қалада асфальт-бетонзауытын, битум сақтауға арналған қойма салуды  жоспарлап отыр. Демек, жаңа жұмыс орындарыашылады.

Ең бастысы, компаниялардың салығы жергілікті бюджеттіңкіріс бөлігін молайтады.  Бұл өзкезегінде қала  экономикасына оң әсерінтигізеді.

Абдолла Нұртауұлы.