«Казкат»: Ұлытау металлургиясының маңызды буыны

Өңірге жұмыс сапары аясында «Қазақстан машина жасаушылар одағы» және Ұлытау облысы Кәсіпкерлер палатасының өкілдері «Казкат» мыс катанкасын өндіру зауытына барды.

Сапардың мақсаты — еліміздің металлургия секторындағы негізгі кәсіпорындардың өндірістік қуаттылығымен танысу.Кездесу барысында зауыт директоры әрі Машина жасаушылар одағының Ұлытау облысы бойынша өңірлік өкілі Асхат Қайранов қонақтарды кәсіпорынның құрылу тарихымен және шығарылатын өнімдердің қазіргі номенклатурасымен таныстырды. 1994 жылдың қараша айында іске қосылған «Казкат» зауыты бүгінде ірі металлургиялық кәсіпорын және «Kazakhmys Smelting» ЖШС металлургиялық кешенінің құрылымындағы шикізатты қайта өңдеудің негізгі буыны болып табылады. Кәсіпорын Жезқазған мыс қорыту зауыты жеткізетін катодты мысты терең өңдеуге және жоғары сапалы мыс катанкасын шығаруға мамандандырылған. Зауыттың дайын өнімі Қазақстанның ішкі нарығына да, жақын және алыс шетелдерге де белсенді түрде экспортқа шығарылады.Кәсіпорынның жоғары технологиялық жабдықталу деңгейі мен стратегиялық рөлін «Қазақстан машина жасаушылар одағы» ЗТБ атқарушы дирекциясының директоры Талғат Базарбеков, Одақ директорының орынбасары Махамбет Меңдіғалиев және Ұлытау облысы Кәсіпкерлер палатасы директорының орынбасары Маржан Жәуен атап өтті. Делегация мүшелері «Казкат» зауытының жоғары кәсіби жарақталуын ерекше атап өтіп, оның Ұлытау өңірінің металлургия және өңдеу секторының маңызды өкілдерінің бірі ретіндегі мәнін растады.