​Ұлттық палата басшысы Қанат Шарлапаев өңірдің ірі өнеркәсіп ошақтарымен қатар

Ұлттық палата басшысы Қанат Шарлапаев өңірдің ірі өнеркәсіп ошақтарымен қатар, ауыл шаруашылығы саласындағы маңызды нысан – «KENGIR AGRO» өндірістік кооперативінің құрылыс жұмыстарымен танысты. 

Бұл жоба Солтүстік Қазақстан облысының тәжірибесі негізінде «Ұлытау» ӘКК арқылы жеңілдікпен несиелендіру механизмімен іске асырылады. Кешеннің ерекшелігі – мұнда өсімдік шаруашылығы мен мал шаруашылығы біріктіріліп, тұйық өндіріс циклі қалыптасқан. 

Жобаның негізгі көрсеткіштері:

— жылына 3 000 тонна картоп және 4 000 тонна жем-шөп (жоңышқа, судан шөбі) өндіріледі; 

— күніне 5 000 литр сүт өндіретін 400 бас малды тауарлы-сүт фермасы; 

— Инвестиция: жобаның жалпы құны – 1,1 млрд теңгеге жуық; 

— Жұмыс орындары: ауыл жерінде 35 тұрақты жұмыс орны ашылады.

Өндірілген өнімнің 100%-ы ішкі нарыққа бағытталады. Бұл Ұлытау облысын сапалы әрі қолжетімді жергілікті өніммен қамтамасыз етуге жол ашпақ.