ИНКЛЮЗИВТІ БІЛІМ – ТЕҢ МҮМКІНДІКТЕР КЕПІЛІ
Ұлытау облысының Кәсіпкерлер палатасында «Кедергісіз келешек» жобасын және «Amanat» партиясы әйелдер қанатының «Шексіз мүмкіндік» партиялық қосалқы жобасын іске асыру аясында «Арнайы білім беру қажеттіліктері бар 9 және 11 сынып түлектерін кәсіби білім алу арқылы интеграциялау және оларды кейіннен кепілді жұмыспен қамту» тақырыбында дөңгелек үстел өтті.
Дөңгелек үстелге білім басқармасының өкілдері, колледждер мен мектептердің, дамыту орталықтарының басшылары, Палатаның салалық кеңестерінің мүшелері және «Amanat» партиясы әйелдер қанатының өкілдері қатысты.Отырыс барысында арнайы білім беру қажеттіліктері бар оқушыларды мектепке әлеуметтік бейімдеу мәселелері қаралды. Қатысушылар олардың кәсіби білім алуына және болашақта еңбек нарығында өз орнын табуына мүмкіндік беретін әлеуметтік әрі кәсіби интеграцияның қолданыстағы тетіктерін талқылады.Жиында №4 жалпы білім беретін мектептің директоры Жанагүл Болатбекова осы санаттағы жастарды кәсіби оқыту мен жұмыспен қамту мәселелерінің өзектілігін атап өтті.Ұлытау облысы білім басқармасының өкілі Гүлмира Жұматова білім беру процесін тиімді ұйымдастыру, кәсіби даярлық жүйесін дамыту және оқушыларды одан әрі жұмыспен қамтуды қамтамасыз ету үшін барлық мүдделі тараптардың үйлесімді өзара іс-қимылы қажет екенін атап өтті.Әлеуметтік кәсіпкер Жұлдыз Рахымбекова ата-аналармен жұмыстың маңыздылығына ерекше тоқталды. Оның айтуынша, ата-аналардың баласының даму ерекшеліктерін қабылдауы – оның толыққанды дамуының негізгі алғышарты.Жезқазған технология және сервис колледжінің директоры Марал Тлеужанова білім беру ұйымдары арасындағы сабақтастықты күшейту қажеттігін атап өтті. Оның пікірінше, мектептер, колледждер және балабақшалар арасындағы тығыз өзара іс-қимыл мен бірыңғай кластер құру тиімді нәтижеге жеткізеді.Жиын қорытындысы бойынша нақты шешімдер қабылданды. Атап айтқанда, облыстық білім басқармасына мектептер мен колледждердің қатысуымен арнайы білім беру қажеттіліктері бар оқушылармен жұмыс жүргізу бойынша кластер құру тапсырылды. Осы бағытта оқушылардың қабілеттері мен кәсіби қызығушылықтарын ескеретін бірыңғай деректер базасын қалыптастыру, арнайы бағдарламалар әзірлеу, мамандар даярлау және кәсіби сүйемелдеу жұмыстарын ұйымдастыру көзделіп отыр. Сондай-ақ жұмыс тобы құрылатын болады.Сонымен қатар, білім басқармасы мен колледж директорларына қолданыстағы нормативтік-құқықтық актілерді зерделеп, білім беру жүйесін жетілдіру бойынша ұсыныстар әзірлеу тапсырылды. Бұл ретте ата-аналарды білім беру процесіне тарту және мектеп тәжірибесін колледж жүйесіне бейімдеу мәселелеріне басымдық беріледі.Сондай-ақ инклюзивті білім беруді қаржыландыру тетіктерін жетілдіру мақсатында тиісті ұсыныстар Ұлытау облысының Кәсіпкерлер палатасына жолданатын болады.Жиын соңында қатысушылар қабылданған шешімдердің іске асырылуы ерекше білім беру қажеттіліктері бар жастардың өмір сапасын арттырып, олардың қоғамға табысты бейімделуіне ықпал ететініне сенім білдірді.
