​Жезқазғанда оқушыларға кәсіби бағдар беру шарасы өтті

Ұлытау облысының Кәсіпкерлер палатасы өңірдегі білім беру ұйымдарымен ынтымақтастықты дамыту бағытындағы белсенді жұмысын жалғастырып келеді. Қала колледждерімен қол қойылған меморандум аясында жастарға кәсіби бағдар беру және жұмысшы мамандықтарын насихаттау бойынша жүйелі іс-шаралар жүргізілуде.Осы бағыттағы бір кездесулердің бірі Жезқазған қаласындағы №11 жалпы білім беретін мектепте ұйымдастырылды. Жоғары сынып оқушыларына арналған шараға Тау-кен металлургия колледжінің өкілдері қатысты.Кездесу барысында колледж педагогтері оқушыларға оқу орнында оқытылатын мамандықтар туралы кеңінен айтып, сұранысқа ие жұмысшы мамандықтарын игеру мүмкіндіктерін түсіндірді. Арнайы назар түлектердің болашақта жұмысқа орналасу мүмкіндіктері мен оқу процесінің практикалық бағыттылығына аударылды.Мектеп фойесінде ұйымдастырылған көрмеде колледж оқытушылары оқу жабдықтарын таныстырып, студенттердің практикалық сабақтары қалай өтетінін көрсетті. Оқушылар ұсынылған мамандықтарға ерекше қызығушылық танытып, оқу орнына түсу тәртібі, оқу шарттары және болашақта жұмысқа орналасу мүмкіндіктері туралы белсенді сұрақтар қойды.Осындай кездесулер мектеп түлектеріне мамандық таңдауда дұрыс бағыт-бағдар алуға көмектесіп қана қоймай, өңірдің білім беру мен бизнес салалары арасындағы байланыс пен ынтымақтастықты нығайтуға да ықпал етеді. Палата бұл бағыттағы жұмыстарын әрі қарай жалғастыра бермек.