Ұлытау облысында тәлімгерлік жүйесін дамыту

«Атамекен» Қазақстан Республикасының Ұлттық кәсіпкерлер палатасының ұйымдастыруымен өткен «Кәсіби маман» байқауының І өңірлік кезеңінде жалпы 13 мекеме қатысып, олардың ішінен озып шығып, Ұлытау облысы бойынша "Үздік тәлімгер" аталымында «Kaz Trans Oil» компаниясының мұнай құбыры басқармасының Жезқазған филиалының жетекші диагностика инженері Мейіржан Серіков жеңімпаз атанды. Мемлекет бастамасымен жарияланған Жұмысшы жылы аясында компания өңірдегі колледждермен тығыз ынтымақтастық орнатып, мұнай саласына білікті мамандар даярлауға белсенді атсалысуда.
Мейіржан Шекербекұлы – жай ғана инженер емес, өз білімін және тәжірибесін жас буынмен қуана бөлісетін нағыз ұстаз. Ол студенттерге тек диагностика мен басқарудың негіздерін үйретіп қана қоймай, кәсіби жетістіктерге ұмтылуға шабыттандырады.

Қорытындылай келе, Мейіржан Серіков сынды жандар тек өз компаниясының ғана емес, бүкіл саланың дамуына маңызды үлес қосып отырғанын атап өткен жөн. Олардың еңбегі жастарға шабыт береді, оқытудың жаңа тәсілдерін қалыптастырады және оқу орындары мен өндірістік кәсіпорындар арасындағы байланысты нығайтуға ықпал етеді.

«Kaz Trans Oil» компаниясы білікті кадрларды даярлаудың маңыздылығын терең түсінеді және студенттерге арналған тағылымдама мен тәжірибе бағдарламаларын белсенді түрде енгізуде.