Ұлытау облысының Кәсіпкерлер палатасында ауыл шаруашылығы кооперативтерін құру мәселесі талқыланды

Ұлытау облысының Кәсіпкерлер палатасында ауыл шаруашылығы кооперативтерін құруға арналған оқыту семинары өтті.

Семинардың спикері ретінде «Ауыл аманат» жобасы аясындағы кооперациялық жобаларды іске асыру жөніндегі және ҚР Үкіметі жанындағы өңірлік саясат жобалық кеңсесінің Ұлытау облысы бойынша өңірлік менеджері Гаухар Койбагарова сөз сөйледі. Ол ауыл шаруашылығы кооперативтерін құрудың артықшылықтары туралы өз тәжірибесімен және білімімен бөлісті.Өз сөзінде спикер кооперативтердің фермерлерді қолдау мен өңірдегі ауыл шаруашылығын дамытудың тиімді құралы екеніне назар аударды.Кооператив құрудың басты артықшылықтары ретінде мыналар аталды: ресурстарды біріктіру, бәсекеге қабілеттілікті арттыру, мәселелерді бірлесе шешу, оқыту мен даму.Кооперативтер фермерлерге өз ресурстарын біріктіруге мүмкіндік береді, бұл жабдық, тұқым және тыңайтқыш сатып алу шығындарын азайтуға септігін тигізеді. Бұл, әсіресе, ауқымды инвестиция жасауға мүмкіндігі жоқ шағын шаруашылықтар үшін өзекті.

Семинар фермерлік шаруашылықтың позициясын нығайтуға және кооперативтік қозғалысты дамытуға бағытталған маңызды қадам болды. Бұл, сөзсіз, облыс экономикасына оң әсерін тигізеді.