Менторлық – әйелдер көшбасшылығы мен кәсіпкерлікті қолдаудың негізі

Ұлытау облысының Кәсіпкерлер палатасында «Кәсіпкер әйел» бағдарламасы аясында әйел-кәсіпкерлерге арналған менторлық бойынша оқыту өткізілді.

Курс спикері, тәжірибелі ментор және бизнес-жаттықтырушы Орынкүл Сәдуақасова қатысушылармен тайм-менеджмент және мақсатқа бағытталған бизнес жүргізу саласындағы білімі мен тәжірибесімен бөлісті.

Менторлық кәсіпкерлік дағдыларды дамытуда, әсіресе бизнесте табысқа жетуді көздейтін әйелдер үшін маңызды рөл атқарады. Кәсіпкерлер палатасы ұйымдастырған бұл оқыту қатысушылар үшін жаңа білім алып, тәжірибе алмасуға, сондай-ақ пікірлес жандардан қолдау табуға тамаша мүмкіндік болды.Ұлытау облысының Кәсіпкерлер палатасында өткен менторлық оқыту әйелдер кәсіпкерлігін қолдау мен дамыту жолындағы маңызды қадамға айналды. Мұндай іс-шаралар қатысушылардың кәсіби біліктілігін арттырып қана қоймай, өзара тәжірибе алмасып, бір-бірінің жетістіктерінен шабыт алатын қауымдастық құруға да ықпал етеді.