"Атамекен" палатасының су шаруашылығы кәсіпорындарымен ынтымақтастығы

Жұмысшы мамандықтар жылы аясында Ұлытау облысы кәсіпкерлер палатасы «Атамекен» өңірдегі ұйымдар және кәсіпорындармен ынтымақтастығын жалғастырып келеді.

Палатаның адами капиталды дамыту бөлімінің басшысы Жаухар Тұрсынова әуежай маңында орналасқан «ПТВС» АҚ-ның құрылыс алаңында болды. Кәсіпорын өкілдерінің айтуынша, әуежайға апаратын магистральдық желілердің жөндеу жұмыстары қарқынды жүргізілуде.

Сондай-ақ, ПТВС шебері Жүніс Түйтебаевтың айтуынша, кәсіпорын қала колледждерімен дуалды оқыту жүйесі бойынша тығыз байланыста жұмыс істеуде.

– Колледж студенттері ПТВС кәсіпорнында өндірістік тәжірибеден өтіп, кейін осы жерге жұмысқа орналасуда. Қазіргі таңда кәсіпорында слесарь, токарь, электрмонтер сынды мамандықтар бойынша бос жұмыс орындары бар. Сонымен қатар біз «Атамекен» кәсіпкерлер палатасымен белсенді түрде ынтымақтасып келеміз, – деп атап өтті ПТВС өкілдері.