Денсаулық сақтау министрінің Ұлытау облысына сапары

Қазақстан Республикасының Денсаулық сақтау министрі Акмарал Альназарова жұмыс сапарымен Ұлытау облысына барып, өңірдің медициналық қауымдастығымен және жергілікті тұрғындармен кездесу өткізді.

Кездесу барысында халықты толғандыратын өзекті мәселелер көтерілді. Атап айтқанда, медициналық-әлеуметтік сараптамадан (МӘС) өту, мүгедектік тобын алу, сондай-ақ өңірде онкологиялық орталық пен жеке перинаталдық орталық ашу мәселелері талқыланды.Талқыланған негізгі тақырыптардың бірі — әсіресе ауылдық жерлерде медицина қызметкерлерінің жетіспеушілігі болды. Жергілікті тұрғындар мен медицина саласының өкілдері жас мамандарды тарту мен даярлауды жүйелі түрде жүзеге асыру қажеттігін атап өтті.Кеңес отырысына «Атамекен» ұлттық кәсіпкерлер палатасының медицина бағыты бойынша қызмет көрсету салалық кеңесінің мүшелері де қатысты.Министр барлық ұсыныс-пікірлерді мұқият тыңдап, көтерілген әрбір мәселе алдағы уақытта жан-жақты қарастырылып, тиісті шешімдер қабылдау үшін бақылауға алынатынын айтты.