ҚАЛМАҒАНБЕТОВ Жәлел ШУБАЙҰЛЫ

ҚАЛМАҒАНБЕТОВ Жәлел Шубайұлы (1934-2020) - мемлекет және қоғам қайраткері. 1955 жылы Мәскеудегі М.И.Калинин атындағы алтын және түсті металдар институтын бітірген соң  жолдама арқылы Жезқазған кен-металлургия комбинатына келіп, кен шебері болудан бастап әртүрлі жауапты жұмыстар атқарды. 1973 жылы Жезқазған облыстық кәсіподақтар Кеңесінің төрағасы, 1975 жылы  облыстық партия комитетінің хатшысы болып сайланды. 1977-1980 жылдары  Қазақстан  Компартиясы  Орталық  Комитетінің ауыр өнеркәсіп бөлімінің меңгерушісі, 1980-1988 жылдары  Қарағанды облыстық  партия комитетінің  екінші хатшысы, кейін Жезқазған облыстық Кеңесі атқару комитеті төрағасының орынбасары, облыс әкімінің орынбасары болды. Екі мәрте  Қазақ КСР Жоғарғы Кеңесіне депутат болып сайланды. Қазақстан Компартиясы Орталық Комититетінің  мүшесі, КОКП ХХҮІІ сиезінің  делегаты болды. Екі рет Еңбек Қызыл Ту (1971, 1977 жылдары), «Құрмет белгісі» (1966 ж.) ордендерімен марапатталды. Жезқазған қаласының Құрметті азаматы атанды. 2020 жылы өмірден өтті.