ҮМБЕТОВА Базаркүл Сейітжанқызы

Журналист. Қазақстан Журналистер Одағы сыйлығының лауреаты.

1966 жылғы «16» қарашада Жезқазған қаласында туған. 1990 жылы ҚазМҰУ журналистика факультетін бітірген. 1985-1997 жылдар аралығында Жезқазған облыстық телерадиокомпания-сында тілші, редактор, қоғамдық - саяси бағдарламалар редакциясының бөлім меңгерушісі болды. 1997-2002 жылдары Қазақстан ұлттық телеарнасының «Астана» студиясында комментатор болып қызмет атқарды. 2002 жылдан бастап 2018 жылға дейін «Қазақстан РТРК» АҚ «Астана» радиосында бас редактор. 2018 жылдан бері Qazir.kz  ақпараттық – танымдық порталының бас редакторы.

Марапаттары:

1995 жылы тарихи тұлғаларға арналған «Тәбәрік» авторлық бағдарламасы үшін К.Шалабаев атындағы Қазақстан Журналистер Одағы сыйлығының лауреаты атанды.

2006 жылы Қазақ радиосындағы «Мен - қазақпын» авторлық бағдарламасы халықаралық «Шабыт» фестивалінде журналистика аталымы бойынша Гран Приді жеңіп алды.

 2007 жылғы Астана қаласының 10 жылдығына арналған Астана әкімінің «Алтын қалам» жүлдесінің иегері.

2010 жылы отандық радиожурналистиканы дамытуға, жастардың бойына отаншылдық сезімді қалыптастырудағы қосқан үлесі үшін ҚР Президентінің Алғысына ие болды.

2011 жылы  Қазақ радиосының 90 жылдығына орай «Радио ісінің үздігі» төсбелгісімен марапатталды.

2014 жылы «Бас редакторлар клубы» қоғамдық бірлестігінің «Қазақстанның үздік редакторы» медалін иеленді.

2015 жылы телерадиожурналистика саласындағы ұзақ жылғы жемісті еңбегі үшін  ҚР Ақпарат саласының үздігі атанды.

Кітаптары:

2013 жылы «Перзент парызы» кітабы, 2018 жылы «Журналист жолы» кітабы жарық көрді.

Жезқазған телеарнасының "Жұмадан жұмаға дейін" хабары 90- жылдары көрермендердің қызыға тамашалайтын бағдарламасы еді... 

"Жұмадан жұмаға шейін" авторлары араға жылдар салып қайта жүздескен сәт.2018 жыл.

Қазақстан Республикасының Президенті Нұрсұлтан Назарбаевтың Алғыс Хаты.

Оқырмандар ортасында.

"Журналист жолы" кітабының таныстырылымы.2018 жыл.

Туған ауыл Теректіде өткен кешті ақын Ізтөлеу Түсіпов нәшіне келтіріп, жүргізе білді.

Ұлы Отан соғысында қаза тапқан аталар рухына тағзым.

Бауырлармен бірге.

Ауылдың қайран ғана үлкендері -ай...

Базаркүлдің кешіне Ұлытау ауданының әкімі Әнуар Омар арнайы келді.

Елмен бірге естелік суретке түсу.

Базаркүл Үмбетованың "Журналист жолы" кітабының таныстырылымы астананың төрінде, Л.Гумилев атындағы Еуразия Ұлттық Университетінің қабырғасында өткен сәттерден.

   Журналистік жолдың жемістері

ТҰНҒАН ТАРИХ -ТЕРКТІ ӘУЛИЕ

ҰЛЫ ДАЛАНЫҢ  ҰЛЫТАУЫ

Құрмет толастамасын!