БЕКЕНҚЫЗЫ Несіпкүл

 Ұстаз, ақын-сазгер.

1959 жылы 12 сәуірде Жезқазған қаласына қарасты Теректі ауылында туған.

«Өрелі елдің өрісі кең» , «Көңіл көкжиегі», «Шырайлы шаһар – Жезқазған», «Ұрпақ үні», «Сағыныш сазы» және т.б. кітаптарының  авторы. Н.Бекенқызының әндері де көпшілікке жақсы таныс.

Академик Өмірхан Байқоңыровтың  туғанына 90 жыл толуына орай өткен "Мүшайраның", сондай-ақ «Саяси-патриоттық әндер» мен  мұғалімдер арасында өткен «Авторлық әндер» байқауларының жеңімпазы.

Жезқазған -Ұлытау аймағында бірнеше мәрте шығармашылық кештері болып  өтті.

Жезқазған, Астана қалаларының Оқушылар сарайында 40 жыл ұстаздық етіп, 2017 жылы еңбек демалысына шықты. Көп жылғы адал еңбегі  үшін ҚР Білім және ғылым министрлігінің Құрмет грамотасымен   марапатталған.

Қазіргі кезде  4 баланың аяулы анасы, 9 немеренің әжесі.