​МЫРЗАБЕКОВ Батырбек Тыныштықбайұлы

1948 жылы Ұлытау селосында туған.  ҚР Журналистер одағының, Қазақстан Жазушылар одағының мүшесі. ҚазМУ-нің түлегі (1972). Ұлытау селолық клуб үйінің директоры (1967), Жезді аудандық «Октябрь туы» газетінде әдеби қызметкер, бөлім меңгерушісі (1971–1972), «Ұлытау өңірі» газетінде бөлім меңгерушісі, жауапты хатшы (1972–1980), Ұлытау аудандық Кеңесі атқару комитетінде бөлім меңгерушісі (1980–1981), «Жезқазған туы» газетінде әдеби қызметкер, бөлім меңгерушісі (1982–1997), «Сарыарқа» газеті редакторының орынбасары (1997), тәуелсіз «Наз», «Дауа» газеттерінің бас редакторы (1998–2004). Қазір Қазақстан Жазушылар одағы Жезқазған филиалының директоры, «Ұлытау және Ұлт» журналының директоры. ҚР Журналистер одағының Сейілхан Асқаров атындағы сыйлығының лауреаты (1993). Ұлытау ауданының Құрметті азаматы. Қазақстанның Құрметті журналисі. «Құрмет» орденінің иегері. ҚР Мәдениет қайраткері. «Тас бұлақ» (1995), «Ұлытаудың ұлымын» (1995) жыр жинақтарының, «Ұлытау - ұлттың ұясы», «Алты белдің асуы», «Дүзен», «Аңшының әңгімелері», «Қос батыр», «Шуақ шашқан шаңырақ» (2019) , "Аманат"(2020) ,  тағы басқа бірнеше тарихи-көркем, публицистикалық кітаптарының авторы. ҚР ҒА тапсырысы бойынша  шығарылған «Уық шаншылған Ұлытау» ғылыми-тарихи кітабы авторларының бірі. Республикалық ақындар мүшәйраларының жеңімпазы.