​БАЙМОЛДАҰЛЫ Ыбыраһым

(1883 жылы туған - 1965 жылы қайтыс болған) Қарсақбай мысзауытының іргетасын қалаушылардың бірі. Атбасар уезі (қазіргі Жезқазған жері) Байназар ауылында дүниеге келген. Ақын ретінде Ұлы Отан соғысы жылдарында аты шыққан. 1942 жылы халық ақындарының айтысына (Алматы) қатысқан. Жамбылға жолығып, «Жамбыл атаға» деген ұзақ толғауын шығарған. Баймолдаұлының өлеңдері, толғаулары «Қызыл кенші» газетінде, облыстық, республикалық баспасөз беттерінде жарияланған. 1953 жылы Сапарғали Бегалиннің құрастыруымен жарық көрген «Халық ақындары» жинағына Баймолдаұлының «Қыздарыма», «Жезқазған» аталатын екі шығармасы енген. Болман Қожабайұлымен сөз қағыстырғаны да мәлім. Ы.Баймолдаұлы шығармаларының негізгі тақырыптары соғыс кезіндегі ел өмірі, ауыл тұрмысы, кеншілер еңбегі, адамгершілік, имандылық болып келеді.

Ақын қабірі басында.