ӘЛМҰХАМЕДОВ Тәшібай

Торғай облысы, Торғай ауданы, Баянтау жерінде 1910 жылы туған. Туған жері Торғай өңірі болғанымен, балалық шағы Ұлытауда өткен. Абай атындағы Қазақ педагогикалық институттың әдебиет бөліміне түсіп, оны 1938 жылы бітірген. Алғашқы ұстаздық жолын Семей педтехникумында бастаған. Бір жылдан кейін Ұлытауға келіп, Жезқазған кенішінде мектепте мұғалім бо- лып істейді. 1938 жылы Алматыдан шыққан «Жастық дауы- сы» деген жас ауыл жазушыларының жинағында оның «Мен сүйемін», «Құрбылар» деген екі әңгімесі енгізілген. «Ленин- шіл жас» газетінің 1936 жылы 16 маусымдағы санында С.Сейфулиннің әдебиеттегі 20 жылдық мерекесі алдында «Сәкен досымызға» деген бір топ жас ақындардың жинағында өлең- дері енген. Майданға 1942 жылдың қарашасында аттанған ақын Дон өзенінің бойындағы қиян-кескі ұрыста ауыр жараланып, сегіз күннен кейін 1943 жылдың 10 желтоқсанында қайтыс болған. Қазақстан Жазушылар одағының пленумында Ұлы Отан соғысында қаза болған талантты ақындардың қатарында Әлмұхамедов Тәшібайдың есімі аталған. Қазақстан Жазушылар одағының үйінде қойылған ескерткіш тақ- таға жауынгер-ақын Т.Әлмұхамедовтің аты жазылған. Жезқазған қаласында ақынның атында көше бар.