Алтыншоқы

Қарағанды облысы Ұлытау  ауданы, Сарлық ауылынан 12 шақырым жерде орналасқан.

Әйгілі Ұлытаудың оңтүстігіндегі осы дара біткен қос шоқыны халық атам заманнан бері  «Алтыншоқы» деп атап келеді. Оның қос шоқтығында көне заманда қорытылған тас пен шлактың қалдықтары әлі де бар. Осыдан алты ғасыр бұрын шоқының басына қойылған таңбалы тасты Ұлытау өңірінің тұрғандары «Қарсақбай тасы», «Ұлытау ескерткіш тасы» деп атап келеді. ХХ ғасырда отызыншы жылдардың орта кезінде Қ.Сәтбаев Алтын шоқының алтын өндірген өндірісінің орнын зерттей келіп, осы жазулы  тасты тапты. Кейінде бұл тастағы жазуды профессор Поппэ оқиды. Ескерткіш тастағы жазуды ХІV ғасырда Мауреннахрдың билеушісі Ақсақ Темір Ақ Орда ханы Тоқтамыс ханға қарсы жорықтары кезінде жаздырған. Бұл ескерткіш тас бүгінде Санкт-Петербургтағы  Эрмитажда сақтаулы.