АМАНБАЙ батыр ТОҚАНҰЛЫ

(шамамен 1810 ж.т- 1880 ж.қ.б. )

Ұлытау жерінде  дүниеге келген. Бағаналы тайпасының ішіндегі Шәлтеке руынан шыққан. Қос Кеңгірдің Сарысуға құяр тұсын жайлаған. «Қамал бұзған Аманбай Батыр» атанған тарихи тұлғалардың бірі. Қоқан хандығына қарсы шайқастарда айрықша атағы шыққан, «Айнакөл шайқасын» басқарған батыр. Қазақтың соңғы ханы К.Қасымұлымен жақсы қарым-қатынаста болған. 1864 жылы өткен Кіші және Орта Жүздің жақсылары мен жайсандары бас қосқан Сарыторғайдағы құрылтайға  қатысқан. Батырдың зираты өзі қорған салып, мекен еткен Сарысу мен Кеңгір өзендерінің қосылған жері Қаражарда тұр. Жезқазған қаласында Аманбай батыр атында көше бар.