АСЫЛБЕКОВ Ошақбай

1929 жылы  Қарағанды облысы, Ұлытау ауданында, Қарсақбай кентінде туған. С.М.Киров атындағы Қазақ мемлекеттік  университетін  (1952 жылы), Қарағанды  политехникалық институтын (1969 жылы) бітірген.  Мамандығы–журналист, құрылыс  инженері. 1952-1963 ж.ж. газет  қызметкері, мектеп  инспекторы, кәсіптік-техникалық  училище  директорының орынбасары, партия және кәсіподақ  орындарында жұмыс істеді.  (1964) жылы  көкекте  Жезқазған қалалық  Кеңес атқару  комитеті  төрағасының бірінші  орынбасары болып  сайланды. 1970 жылы  шілдеде  Еңбек Қызыл Ту  орденді  «Қазмысқұрылыс»  тресінің   №5  механикаландырылған  жылжымалы  колоннасына  бастық болып тағайындалған. 1972 жылы  ақпанда  «Қазмысқұрылыс»  тресі  партия комитетінің  хатшысы болып сайланды. 1973-1985 ж.ж.  Жезқазған қалалық партия комитетінің  бірінші хатшысы қызметін атқарды.  Зейнеткерлікке шыққанша  полиграфия  және кітап саудасы  істері бойынша  обл. басқарманы  басқарды.  КОКП ХXV съезінің, Қазақ Комп XIV,  XV съезінің делегаты, Каз. Ком Орталық Комиттетінің  мүшелігіне кандидат.  «Еңбек Қызыл Ту»  (1974ж.) «Құрмет белгісі» (1981 ж.)  ордендерімен, медальдарымен  және Қазақ  КСР  Жоғарғы  Кеңесінің құрмет грамоталарымен  марапатталған. Жезқазған  қаласының  Құрметті азаматы.2004 жылы дүниеден өтті.